රන්ජන්ටත් රාජ යෝගයක්
Friday, December 14, 2012
මෙම රාජ යෝග සිහින මවන්න්නගේ අලුත්ම පුරුක වන්නේ සිනමා නළු එක්සත් ජාතික පක්ෂයේ පාර්ලිමේන්තු මන්ත්‍රී රන්ජන් රාමනයකයි. ඔහු පුවත්පතකට අදහස් දක්වමින් පවසා ඇත්තේ තමාට රාජ යෝගයක් ඇති බව ජෝතිශ්‍යවෙදියෙකු පැවසු බවයි.
ඒ පිලිබඳ රන්ජන් අදහස් දැක්වූ අයුරු
"මගේ හඳහනේ රවී බුධ පෙල මුල්වන්නේ.හැම තිස්සෙම මුල් තැනක් ලැබෙනවා කියලයි කියන්නේ.මාතලේ සෙනරත් කියල හිතවතෙක් මෑතකදී මගේ හදහන් බලල කිව්වේ මට රාජ යෝගයක් තියෙනවා කියල."
කෙසේ නමුත් මෑතකදී ජනාධිපති ජෝතිශ්‍යවේදී සුමනදාස අබේගුණවර්ධන විසින් අනාවැකි පලකොට තිබුනේ එක්සත් ජාතික පක්ෂයේ තිස්ස අත්තනායකටද රාජ යෝගයක් ඇති බවයි.
මෙයට අමතරව උසස් අධ්‍යාපන අමාත්‍ය එස්. බි දිසානායකද තමාට රාජ යෝගයක් ඇති බව තරයේ විශ්වාස කරන අතර දැනට රෝගී තත්වයේ පසුවන මහින්ද විජේසේකර හිටපු අමාත්‍යවරයාද එලෙස තමාට රාජ යෝගයක් ඇති බව විශ්වාස කරනු ලබයි.
එයට අමතරව ජන්දයෙන් පරාජය වූ ගාල්ලේ වජිර අබේවර්ධන, ගාල්ලේ නිශාන්ත මුතුහෙට්ටිගම තමාට රාජ යෝග ඇති බවට විශ්වාස කරන දේශාපලන චරිත කිහිපයකි.
