කොලවරි ඩි (Lankan Version)

2012 වසරේ තිරගත වීමට නියමිත සුපිරි නළු රජිනි ඛාන්ත්ගේ දුව අශ්චර්යා විසින් අධ්‍යක්ෂණය කරන දමිල චිත්‍රපටයක් වන 3 චිත්‍රපටයේ ගීතයක් වන "කොලවරි ඩි" ගීතය ලොව පුරා ඉමහත් ජනප්‍රියතාවයට පත්ව තිබෙනවා.

කෙටිම කලක් තුල වැඩිම ප්‍රමාණයක් නැරඹු වීඩියෝව ලෙසින්ද මෙම ගීතය යු ටියුබ් හි වාර්තා තබා තිබෙනවා.

මෙම ගීතයෙහි තනුව නිර්මාණය කොට ඇත්තේ 18 වියැති සංගීත සංස්කාරවරයෙකු වන අනිරුධ් රවීචන්ද්‍ර විසින්.

අයිශ්වර්යාගේ ඉල්ලීම පිට මෙම තනුව අනිරුධ් විසින් නිර්මාණය කර දී ඇති අතර ඓශ්වර්යාගේ සැමියා වන ධනුෂ් විසින් එයට විනාඩි විස්සක් වැනි කාලයක් තුලදී පද රචනය කොට ගායනය සිදුකොට ඇත.

මෙම ගීතය ලොව පුරා විවිධ අත්හදා බැලීම් වලට ලක්වන අතරේ ලංකාවේ පිරිසක්ද සිංහල බසින් මෙම ගීතය නැවත නිෂ්පාදනයකොට තිබෙනවා. 

එය පහතින් බලන්න 

ශ්‍රී ලංකන් ගුවන් යානයේ සිදුවූ සිව් වන දරු උපත

පසුගිය දෙසැම්බර් 3 වැනිදා කොළඹ සිට බැංකොක් දක්වා ගමන් ගත් UL 422 මගී ගුවන් යානයේ දරු උපතක් සිදු වී ඇත. බැංකොක් වලට ගොඩබැසීමට ආසන්නයේ දී ගුවන් සේවිකාවන්ගේ දැනුම් දීම මත යානය පරීක්ෂා කරබැලීමේදී පිලිපීන ජාතික කාන්තාවකට දරු උපතක් සිදු වන බව දැන්ගන්නට ලැබී ඇත.

පසුව යානයේ පාලන අංශය කලබලයකින් තොරව ඉතාමත් නිශ්ශ්බ්දව මෙම තත්ත්වය පාලනය කර ඇත. බිළිඳා මඳක් දුර්වල තත්ත්වයේ පැවතුණු අතර යානය ගොඩබැස්සවීමෙන් පසු ඉතාමත් ඉක්මණින් බිළිඳා වෛද්‍ය ප‍්‍රතිකාර වලට යොමු කරන ලදි. මෙය ශ‍්‍රී ලංකා ගුවන් යානයක සාර්ථකව දරු උපතක් සිදුවූ සිව් වන අවස්ථාව වේ.

මීට පෙර පසුගිය මාර්තු 31වෙනිදා සවුදි අරාබියේ රියාද් නගරයේ සිට කොළඹ බලා ගමන්ගත් UL266 යානයේ මෙලෙසම දරු උපතක් සිදුවූ අතර 2009 ජනවාරි 14වනදා කොළඹ හරහා ඉන්දුනීසියාව බලා ගමන් ගත් UL264 යානයේදී ඉන්දුනීසියානු කාන්තවකට දරු ප්‍රසූතියක් මෙලෙස සිදු වී ඇත.


එම අවස්ථාවේ ජායාරුප පහතින් බලන්න

නෙලුම් පොකුණේ මිල ගණන් මෙන්න

චීන රජයේ පරිත්‍යාගයක් ලෙස ඉදිකළ නෙළුම් පොකුණ මහින්ද රාජපක්ෂ රඟහල ඊයේ පස්වරුවේ ජනාධිපති මහින්ද රාජපක්ෂ මහතා අතින් විවෘත විය. 

හෙළ කලාකරුවන්ගේ කළා කෙත යනුවෙන් හඳුන්වන මෙමරඟහලේ මිල ගණන් පිලිබඳ ඉඟියක් අප ඔබට පෙර ලිපියකින් හෙළි කළා. 

පහතින් දැක්වෙන්නේ එහි සවිස්තරාත්මක මිල දර්ශනයයි

අර්ජුන හා අරවින්ද තරඟ පාවා දුන්නා - ගාමිණි ලොකුගේ

1996 දී ලෝක කුසලානය දිනාගනිමින් මෙරට ජනතාවගේ ප්‍රසාදයට ලක්වූ අර්ජුන රණතුංග හා අරවින්ද සිල්වා යන ක්‍රීඩකයන් දෙදෙනා තරඟ පාවා දී ඇති බව හිටපු ක්‍රීඩා ඇමතිවරයකු වන ගාමිණි ලොකුගේ මහතා පසුගිය දිනෙක පාර්ලිමේන්තුවේදී ප්‍රකාශ කළා.

ඔහු පැවසුවේ මෙම ක්‍රීඩකයන් දෙදෙනා මුළු ක්‍රීඩා ඉතිහාසයම අඳුරු කර ඇති බවත් ඒ අවස්ථාවේදී ඔවුන් බේරා ගත්තේ එවකට ශ්‍රී ලංකා ක්‍රිකට් ආයතනයේ සභාපතිවරයාව සිටි තිලංග සුමතිපාල මන්ත්‍රීවරයා බවත්ය. 

නමුත් මෙම චෝදනා ප්‍රතික්ෂේප කරන අර්ජුන රණතුංග මහතා ප්‍රකාශ කර සිටින්නේ තරඟ පාවාදීමේ චෝදනාවලින් අන්තර් ජාතික ක්‍රිකට් කවුන්සිලය තමා නිදොස් කොට නිදහස් කර ඇති බවයි. 

ලොකුගේ අමාත්‍යවරයාගේ කතාව හා අර්ජුනගේ පිළිතුර පහතින් බලන්න 

දරුවෙකු ලැබීම ජනප්‍රියත්වයට බාධාවක් නෙවෙයි - උදාරි

උදාරි වර්ණකුලසූරිය කියන විදිහට ඇය මේ දිනවල ගෙවන්නේ අතිශය කාර්ය බහුල ජීවිතයක්. තමගේ කාර්යබහුලත්වයට හේතුව උදාරි ඊයේ ලක්බිම පුවත්පතට පවසා සිටියේ මේ විදිහටයි.

දැන් මම දරුවෙක් ලැබෙන්න ඉන්න අම්මා කෙනෙක්. මම දන්නවා මට ඉදිරියේදී රූගතකිරීම් වලට කාලය වෙන් කරන්න බැරි බව. ඒ නිසා මම භාරගත් ටෙලිනාට්‍ය දෙක වන වන්දනා හා සිහින පියාපත් නිසා මම කාර්යබහුලයි. රූගතකිරීම් දිගටම කරගන යනවා. ඒ වගේම චිත්‍රපටියකටත් දායක වුණා. ඉදිරියෙදීත් චිත්‍රපටයක් කරන්න ආරාධනා ලැබුණා. ඒ නිසා පුළුවන් තරම් ඉක්මනට වැඩ කටයුතු නිම කරන්න සූදානම් වෙනවා

බොහෝ රංගන ශිල්පීන් හා ශිල්පිනියන් ජනප්‍රිය කාලයේදී දරුවන් ලැබීමට කැමැත්තක් දක්වන්නේ නෑ. උදාරි දරුවන් ලැබීම දකින්නේ මොන විදිහටද?

ඕනේම කෙනෙක් නිසි වයසේදී විවාහ වෙන්න ඕනේ වගේම දරුවන් හදන්නත් ඕනේ. මම විවාහ වෙද්දී බොහෝ දෙනක් කිව්වා විවාහ වුනොත් ජනප්‍රියතාව අඩුවෙයි කියලා. නමුත් මම විවාහ වුනාට පස්සේ තවත් ජනප්‍රිය වුණා. විවාහ වීම, දරුවන් ලැබීම නිසා අද රංගන ශිල්පිනියන්ගේ ජනප්‍රියත්වය අඩුවෙන්නේ නැහැ.

මනුෂ හොයාගත් අලුත් වෙබ් අඩවි ලැයිස්තුව

එළුකිරි ඩොට් කොම්, පච ඩොට් කොම්, පකරාසියා මනුෂ හොයාගත් ලොවෙත් නැති වෙබ්සයිට්

ජනමාධ්‍යය අමාත්‍යංශයේ වැය ශීර්ෂය පිලිබඳ විවාදයකට එක්වෙමින් මනුෂ නානායක්කාර මන්ත්‍රීතුමා වෙබ් අඩවි ලියාපදිංචිය පිලිබඳ ප්‍රකාශයක් සිදු කළා.


එහිදී එතුමා විසින් අපුරු වෙබ් අඩවි කිහිපයක්ද සොයාගෙන තිබුනා.මනුෂ පාර්ලිමේන්තුවේදී සිදුකල කතාව පහත වේ.

"ගම් වල දැක්කා කැලැ පත්තරයක් ගහනවා මොකක්හරි උනාම බොරු කතාවක් හදල ලිං ගැට්ටේ අලවල තියෙනවා. දැන් මේක ටිකක් මොඩන් වෙලා අලුත් කැලැ පත්තර කලාවක් බිහිවෙලා තියෙනවා එලෙක්ට්‍රොනික් කැලැ පත්තර කලාවක්.


මන් නිකන් බැලුව මේවයි නම් මොනවගේද කියල. එළුකිරි ඩොට් කොම්, පච ඩොට් කොම්, පකරාසියා කුණුහරුප නම් තියෙන්නේ..මේ කුණුහරුප..මේවට අසභ්‍ය පින්තුර දාන්නේ.මේවා ද්වෙෂගතව මඩ ගහනවා..

මේවා මිනිස්සුන්ගේ පහත් කුණු රසය අවුස්සලා ඒවලින් ගුගල් ඇඩ්ස් වලින් වැඩි මුදල් ප්‍රමාණයක් හොයාගන්න පුළුවන් ව්‍යාපාරයක් කරගෙන. මෙවලට අම්මෙක් නෑ.. මෙවලට අප්පෙක් නෑ..මේවා ගහන්නේ කොහෙද කියල කව්රුවත් දන්නේ නෑ..මේවා කොතනින් නිර්මාණය වෙනවද කියල දන්නේ නෑ..එහෙනම් මේවා ලියාපදිංචි කරන එකේ මොකද්ද තියෙන වැරැද්ද..."

එහි වීඩියෝව පහතින් බලන්න

ඩයලොග් සමාගම සන්ටෙල් මිලදී ගනී

ජංගම දුරකථන හා අන්තර්ජාල සේවා ඇතුළු සේවා සැපයීමේ පුරෝගාමී ආයතනයක් වන ඩයලොග් ඇක්සිටා ආයතනය සන්ටෙල් සමාගමේ සියලු කොටස් මිලදී ගැනීමට සුදානම් වේ.

මින් පෙරද ඩයලොග් සමාගම සි.ඩී.එම් ඒ හා ස්ථාවර දුරකථන පහසුකම් සපයන සන්ටෙල් ආයතනය මිලදී ගැනීමට සැරසුනත් එවර බාධාවක්ව පැවතුනේ සන්ටෙල් ආයතනය විසින් මිලට ඩයලොග් එකඟ නොවීමයි.

නමුත් මේ අවස්තාව වන විටදී ඩයලොග් සමාගම සන්ටෙල් මිලදී ගැනීම සඳහා කිසිදු බාධාවකින් තොරව ඉදිරිපත්වී තිබෙනවා.

නාමල් රාජපක්‍ෂ නීතිඥවරයකු ලෙස අද දිවුරුම් දෙයි


ජනාධිපති පුත් පාර්ලිමේන්තු මන්ත්‍රී නාමල් රාජපක්‍ෂ මහතා ශ්‍රේෂ්ඨාධිකරණයේ නීතිඥවරයකු වශයෙන් අද දිවුරුම් දීමට නියමිතයි.

අගවිනිසුරු, ආචාර්ය ශිරාණි බණ්‌ඩාරනායක මහත්මිය ඇතුළු ත්‍රිපුද්ගල විනිසුරු මඩුල්ලක්‌ හමුවේ මෙම දිව්රුම්දීම දිවුරුම් දීම සිදු කිරීමට නියමිතය.
2011 වර්ෂයේ නීති විභාගය සමත් 250 ක් පමණ පිරිස අතරින් දිනකට 60 ක් පමණ මෙසේ දිව්රුම් දෙනු ලබයි.

කෙසේ නමුත් නාමල් රාජපක්ෂ මහතාගේ නීතිඥ වරයෙකු වීමට සුදුසකම් සපුරන අවස්ථාවේ ඔහුට විරුද්ධව චෝදනා දෙකක් ගොඩ නැගී තිබුනා.ඉන් එක් චෝදනාවක් නිත්‍යානුකුලව ඉදිරිපත්වී තිබුන අතර මෙම චෝදනා දෙකම මෙතෙක් තහවුරු වී නැහැ.

ඉන් පළමු චෝදනාව වන්නේ නාමල් රාජපක්ෂ මහතා මුහුණ දුන් අවසන් විභාගය සඳහා නාමල් රාජපක්ෂ වෙත වෙනම වායු සමීකරණය කල හා අන්තර්ජාල සම්බන්ධතාවය සහිත පරිගණයක් ඇති කාමරයක් තුල පහසුකම් සැපයු බවයි.


එමෙන්ම නාමල් රාජපක්ෂ මහතාගේ සමීපතයන් වෙත එම විභාගයේ ප්‍රශ්නපත්‍ර පිටවී තිබුන බවත් චෝදනා කලේ නීති විද්‍යාලයේ අවසන් වසරේ ශිෂයෙකු වූ ඩී.එම් තුෂාර ජයරත්න මහතායි.

ඒ අනුව මෙය පැමිණිලි කිරීමට ගිය තුෂාර ජයරත්න මහතාට බොහෝ කරදර වලට මුහුණ පෑමට සිදුවූ අතර අද ඔහු සිටින තැනක් පවා රහසක් වී තිබෙනවා. 

ඔහු මේ පිලිබඳ සිදුකල ප්‍රකාශයක් පහතින් අසන්න 

අධිවේගියේ පළමුවරට පයින් ගිය පුද්ගලයා අත්අඩංගුවට

දක්ෂිණ අධිවේගී මාර්ගයේ මිනිසුන් ගමන් කිරීම සම්පුර්ණයෙන් තහනම්කොට ඇති අතර දෙපස ඇති ගම්මාන වලින් මිනිසුන් හා සතුන් ඇතුල්වීම වැලක්වීමට දැල් කම්බි ආවරණයක්ද යොදා තිබේ.

අධිවේගී මාර්ගයේ පයින් ගමන්කළහොත් ගෙවීමට සිදුවන දඩය රුපියල් 5000 කි. මේ අනුව පසුගිය සිකුරාදා දිනයේ අධිවේගී මාර්ගයේ මිනිසෙකු ගමන් කිරීමේදී අධිවේගී මාර්ගයේ විශේෂ පොලිස් ඒකකය මගින් අත්අඩංගුවට පත්වී ඇත.

මොහු කහතුඩුව ප්‍රදේශයෙන් අධිවේගී මාර්ගය හරහා පාර මාරුවීමට උත්සාහකොට ඇත.ඔහු මේ වන විට අධිකරණයට ඉදිරිපත්කොට ඇති අතර ඔහු අධිවේගී මාර්ගයට පිවිසි ස්ථානය මේවන විටත් සොයමින් පවතී.