නායකත්ව පුහුණුවෙන් අසරණ වූ සෙව්වන්දි
Friday, June 10, 2011
සරසවි ප්‍රවේශයන්ට සුදුසුකම් ලැබුවන්ට පුහුණුව අනිවාර්ය වන අතර හමුදා කඳවුර තුල සිදුකෙරෙන සෑම කටයුත්තකටම සහභාගී වීම අනිවාර්ය වේ.
අනුරාධපුර, දේවානම්පියතිස්සපුර, තිසාවැව වටවන්දාන පාරේ පදිංචි කේ.එස්. සෙව්වන්දි (20) මාදුරුඔය යුධ හමුදා පුහුණු කඳවුරට ගොස් ඇති අතර එම ශිෂ්‍යාව "අභියෝග ජයගැනීමේ" ඉසව්ව යටතේ අඩි පහක් පමණ වූ තාප්පයෙන් පැනීමෙන් අනතුරුව කකුලේ වළලූ කර අසල ඇති වූ ආබාධයක් නිසා ඇඳ වැටී ඇති අතර පුහුණු කදවුරේදීම දින දෙකක් ප්‍රතිකාර කොට පසුව හමුදා නිලධාරියෙකු හා නිලධාරිනියක විසින් අරණගන්විල රෝහලට ඇතුළත්කර ඇති අතර තත්වය බරපතල වූ බැවින් වෛද්‍යවරුවිසින් ඔවුන් අරණගන්විල රෝහලෙන් පොළොන්නරු රෝහලට මාරුකර යවා ඇත.
සෙව්වන්දි ශිෂ්‍යාව රෝහල් ගත කල පුවත අයගේ දෙමව්පියන්ට දන්වා නොමැති අතර දෙමව්පියන් පැමිණ ඇත්තේ ඇය ලබාදුන් දුරකථන අමතුමකින් පසුවය. පොළොන්නරුව රෝහලේ විකලාංග සහ අස්ථි පිළිබඳ විශේෂඥ වෛද්‍ය කුසල් කරුණාරත්න මහතා විසින් සැත්කමක් කොට ඇති අතර මාස තුනක් යනතුරු එම පාදය බිම නොතබන ලෙස ඇයට උපදෙස් දී ඇත.
සෙව්වන්දි ගේ පියා මියගොස් ඇති අතර ඔවුන් ජිවත් වී ඇත්තේ සිය සොයුරා විසින් කරන සුළු රැකියාවක ආධාරයෙනි.නමුත් සෙව්වන්දි ගේ වැඩද සොයුරාට කිරීමට සිදුව ඇති නිසා ඔහුගේ රැකියාවද අහිමිව ඇත.
ජයාරූප : ලංකාදීප
