වැලි ලොරි වලින් කප්පම් ගැනීම හෙළි කලැයි මාතලේ මංත්‍රී, බදුල්ල මංත්‍රීගේ අත කඩයි
Sunday, January 27, 2013
මහවැලි ගඟන් ගොඩගන්නා වැලි ගිරාදුරුකෝට්ටේ, විල්ගමුව මාර්ගය මස්සේ රැගෙන යාම තහනම් කිරීමට මාතලේ දිස්ත්රීක් සංවර්ධන කමිටු රැස්වීමේදී තීරණයක් ගෙන තිබුණා. ඒ මාතලේ දිස්ත්‍රික් කමිටු සභාපති ලක්ෂ්මන් වසන්ත පෙරේරා මන්ත‍්‍රීවරයාගේ මැදිහත්වීමෙනි.
එම තහනම ඉවත් කරන ලෙස බදුල්ල දිස්ත‍්‍රීක්කය නියෝජනය කරන තේනුක විදානගමගේ මන්ත්රීවරයා ඉල්ලා තිබුණා. එම අවස්ථාවේදී ලක්ෂමන් වසන්ත පෙරේරා මන්ත්රීවරයා පැවසූවේ එය ජනාධිපතිවරයාගේ තීරණයක් බවයි.
නමුත් තේනුක විධානගමගේ පැවසුවේ තීරණය ජනාධිපතිවරයාගේ නොවන බවයි.
සම්බන්ධයෙන් ලක්ෂ්මන් වසන්ත පෙරේරා සහ තේනුක විධානගමගේ මංත්‍රීවරුන් පාර්ලිමේන්තු සංකීර්ණයේදී මීට දින 3කට පෙර බහින් බස්වීමක් ඇති වුනා. එහිදී බදුල්ල දිස්ත‍්‍රීක්කය නියෝජනය කරන තේනුක විදානගමගේ මන්ත්රීවරයා පවසා තිබුනේ,
"එහෙම කියලා කොහොමද මංත්‍රීතුමා මේ වැලි ලොරි තියන අය කොහොමද බිස්නස් කරන්නේ? ඒ අයට මහියංගනේ ඉඳන් දහ අට වංගුව හරහා නුවර හරහා එන්නද කියන්නේ?." යනුවෙනි.
එහිදී වූ බහින්බස්වීම දුරදිගයෑමේදී තේනුක විදානගමගේ මන්ත්රීවරයා නැවත පවසා ඇත්තේ ලක්ෂ්මන් වසන්ත පෙරේරා මන්ත්රීවරයා විසින් එම එක් වැලි ලොරියකින් රු. 1,000 බැගින් කප්පම් ගන්නා බවයි
"තමුසෙ දවසට ලක්ෂ 4ක් විතර හොයන්නෙ මේ වැලි සල්ලි වලින්, තමුසෙ මහ අලි හොරෙක්. තමුසෙ වේවා සල්ලි හම්බ කරන්න කරන හොර වැඩ" යනුවෙනි.
එවිට එය දුරදිග ගොස් ගැටුමක්ද ඇති වූ අතර එම ගැටුම නිරාකරනය කර තිබෙන්නේ පුත්තලම දිස්ත්රීක් පාර්ලිමේන්තු මන්ත්රී අරුන්දික ප‍්‍රනාන්දු මහතා මැදිහත් වීමෙනි.
ඊට පසු දින පෙරේදා (25) තමාගේ කප්පම් ගැනීම ගැන හෙළි කළ නිසා ලක්ෂ්මන් වසන්ත පෙරේරා මන්ත්රීවරයා විසින් තම ආරක්ෂකයින් යොදවා රාත‍්‍රී මහනුවර බහිරව කන්දේ පිහිටි "අමායා" හෝටලයේ පැවැති සම්භාෂණයකට සහභාගී වී එන ගමනේදී බදුල්ල දිස්ත්රීක් සන්ධාන පාර්ලිමේන්තු මන්ත්රී තේනුක විදානගමගේ මහතාට ප‍්‍රහාරයක් එල්ල කර තිබුණා.
විදානගමගේ සම්භාෂනය අවසන් වී පැමිණෙද්දී ඩිෆෙන්ඩර් රථයකින් පැමිණි අදාළ මන්ත්‍රීගේ ආරක්ෂකයන් පිරිස විදානගමගේ ගමන් ගත් රථය නතර කර ඔහු එළියට ඇද පොල්ලකින් පහර දී තිබේ. පොල්ලකින් පහර දෙද්දී මන්ත්රීවරයා අත අල්ලා එය වැළැක්වීමට කරන ලද උත්සාහයේදී පොලු පහර නිසා දකුණු අත කැඞී ගොස් ඇත.
හය දෙනෙක් පමණ පිරිසක් ඩිෆෙන්ඩරයකින් පැමිණ තමාට බිම දමාගෙන පහරදුන් බවත් ඔළුවට පොල්ලකින් ගහද්දී අත ඇල්ලීමෙන් අත කැඩුනු බවත් විදානගමගේ මන්ත්රීවරයා රෝහල් පොලිසියට පළමුවෙන් දුන් කට උත්තරයක් දී ඇත
පහර කෑමට ලක්වූ තේනුක විදානගමගේ මන්ත්රීවරයා බරපතල තුවාල ලබා මහනුවර රෝහලට ඇතුලත් කරනු ලැබූ අතර ඔහු මේ වනවිට මහනුවර රෝහලේ ප්‍රතිකාර ලබයි.
