ප්‍රශ්න පත්‍ර පිටවීමට විභාග කොමසාරිස් වගකියන්න ඕනේ. මම අස්වෙන්නේ නෑ- බන්ධුල
Friday, December 28, 2012
මම පූස් පැටියෙක් වගේ අහිංසකයිපසුගිය කාලයේ විභාග ප්‍රශ්න පත්‍රවල දෝශ හා Z-ස්කෝර් ගැටළුව නිසා අධ්‍යාපන ඇමතිවරයා පවසා තිබුනේ තමන් ඉල්ලා අස් නොවන බවයි.
පසුගියදා සාමන්‍ය පෙළ ප්‍රශ්නපත්‍රයක් පිටවී තිබීම නිසා නැවත වතාවක් එවැනි වාතාවරණයක් ඇතිවූ අතර බන්ධුල ගුණවර්ධන අමාත්‍යවරයා පසුගියදා පවසා තිබුනේ ප්‍රශ්න පත්තර හැදුවේ තමා නොවන නිසා ඒකට විභාග කොමසාරිස්වරයා වගකිවයුතු බවත් තමා පූස් පැටියෙක් වගේ අහිංසක නිසා ඉල්ලා අස් නොවන බවත්ය.
"ප්‍රතිපල වැරදියි අධ්‍යාපන ඇමති ඉල්ලා අස්වෙන්න ඕනේ කියනවා. මම පූස් පැටියෙක් වගේ අහිංසකයි. ප්‍රශ්න පත්තර හදලත් නෑ. විභාග කොමසාරිස් කෙනෙක් ඉන්නවා. එතුමා ඒකට වගකියන්න ඕනේ."
එම වීඩියෝව පහතින්.
මීට පෙර බාල ඉන්ධන ලංකාවට ගෙන්වීම නිසා රජයේ ආයතන වලට වූ පාඩුව කෝටි ගණනක් වන අතර ජනතාවටද ලක්ෂ ගණන් පාඩු විඳීමට සිදුවුණා.
ලංගම සහ දුම්රිය සේවාවන්ගෙන් පමණක් වූ පඩුව රුපියල් ලක්ෂ 780 කට වැඩිවූ අවස්ථාවක ඛනිජ තෙල් අමාත්‍යවරයා වූ සුසිල් ප්‍රේමජයන්ත ගෙන් මාධ්‍යවේදීන් විමසා සිටියේ මේ හේතුව නිසා ඉල්ලා අස්වෙනවාද යන්නයි.
එවිට ඔහුද පවසා තිබුනේ ඉන්ධන ගෙන්වූයේ නිළධාරීන් මිස තමා නොවන නිසා ඉල්ලා අස් නොවන බවයි.
-සම්බන්ධිත පුවත්-
අධ්‍යාපන ඇමති ගෙදර පල කිව්වට මම යන්නේ නෑ
බාල ඉන්ධන නිසා දැනට පාඩුව ලක්ෂ 780යි
